مقلوبة بالدجاج بالصور

اليوم على نقدم لكم طريقة عمل مقلوبة بالدجاج بالصور لذيذة و رائعة.

مقادير مقلوبة بالدجاج : 

دجاج حسب الاشخاص 

البصلة

الفلفلةحمراء وخضراء

بطاطا

الدنجال غير مدرتوش اليوم

مطيشة د الحك 

روز بسمتي

طريقة تحضير مقلوبة بالدجاج :

ناخد الدجاج ونضيف البصلة شنايف رقاق والزيت الرومية و البلدية + ملح + ابزار+ كامون  + تحميرة + سكنجبير+ خرقوم بلدي + زعفران حر+ راس الحانوت د المروزية + شوي د مطيشة د الحك + معدنوس .

نشحرو الكل ونرويو وفاش يطيب الدجاج نزولوه ونتركوه يبرد ونخليو المرق حتى يختار مزيان كيف الصورة 
ونرجعو ناخد الفلفة ونشويوها ونقطعوها مربعات صغار ونشحروها فالزيت البلدية شوي كامون وملح حتى تنشف من الماءوناخد البطاطا ونقطعوها دوائر ونقليوها (والا كان الدنجال نقشروه ونقطعوه طرونش صغار و رقاق ونقليوه).

ثم ناخد الروز (لكل كاس روز كاس ونصف ماء) +زيت رومية+ملح+ابزار+زعفران حر+شوي راس الحانوت+قبصة قرفةونخليو الروز حتى يطيب ينشف ونرجعو نقليو الدجاج اوندهنوه بالزبدة وندخلوه للفرن ثم ناخد انية غارقة ونغلفوها بالالمنيوم ونستفو فيها الدجاج والفلفة والبطاطا وحتى الدنجال الا درتيه ونغطيو بنصف الكمية د الروز ونعاودو نستفو الخضار ونفرقو لاصوص د الدجاج بالمعلقة ونغطيو بالنصف الاخر د الروز ونقلبوه في طبق التقديم ونرشو باللوز ايفلي محمر الا بغيتي وتقدميها مع سلطة والصور يشرحو اكثر وبالصحة و الراحة كنتمنى تعجبكوم و تجربوها راه فعلاكتجي بنينة.