السفة بالدجاج محمر وعقدة البصل
- هاد السفة تتجي لديدة وراقية
- اولا مقادير الدجاج
- دجاجة ونصف
- شرمولة ديال الدجاج جميع عطرية المحمر الا الربيع يكون مربط
- بصلة+ زيت العود والرومية +وريقات سيدنا موسى+عواد قرفة +الماء يطهى على نار هادئة
- ويفتت النصف والدجاجة تقلى في الزيت
- والمرق ليبطابت فيه الدجاجهو ليغنعملو فيه عقدة البصل نزولو منو عويدات قرفة ووراق سيدنا موسى وقبطة دربيع
- نزيدو عيه 1كلج بصل مقطع رقيق ومسلوق 10د مع الملح ومصفى ويضاف اليه الزبيب مرطب في وماء الزهر من قبل ومقطع باش ميجيشي باين
- ومنين طيب نزيدو القرفة مطحونة والسك وواحد م ك عسل ونبقاو نحركو مزيان حتى تعلك كما في الصورة
- اما السفة
- تندهنوها بالزيت ونعملوها تفور مزيان ونخويوها في بانيو عامر بالماء بارد ونحلوها ونصفيوها مزيان وندهنوها بالزيت ليقلينا فيه اللوز ورجعوها تفور
- ونعاودها 2مرات بالحليب وشوية دالملحة والمرة الاخيرة ندهنوها بالزبدة ونعملو لقياس دالسكر ورجعوها تفور غير شوية
- ونقدموها نعملو السفة +الدجاج مفتت +اللوز مفسخ ومقلي ومهرمش +السفة ونزينوها بالبيض معمر بعقدة البصل واللوز ونزلو الدجاجة المحمرة من الفوق وبالصحة والراحة
.jpg)
.jpg)
