طارط بالشكلاط

 طارط بالشكلاط

الجنواز
تحضير عجينة الجنواز
المقادير:
5 او 6 البيضات الى كانوا صغار
125 سنيدة
125 دقيق
قشرة الحامض
ساشي فاني
قبصة ملح
الطريقة:
كنطربواالبيض لي كنخرجوه قبل من التلاجة مع سنيدة لي مكنخليوهاش فوقوا مدة طويلة غير نكبوا سنيدة نخدموه مباشرةنظيفو الفاني و قشرة الحامض حتى يطلع الخليط ويبيض تقريبا 10 دقايق بالطراب من بعد كنظيفوابالملعقة الطحين مع قبصة الملحة يكون مغربل ملي يوجد الخليط كنصبوه فوق الاطة لي فرشنا فيها ورق الفرن
باانسبة للطياب مكنخليوهاش تحمر غير تدهب خصوصا الى كنا غدين لويوها
ملاحظة :
الجنواز مكتكونش فيها الخميرة 

كريم فريش مطرب ولى شنتي كتنسموه بالفني او قشور الحامض
السيروا لي ندهنوا بيه الجنواز : الماء والسكر فوق النار وعصير نصف حامظة نخليوهم يغليو مزيان
 حمرت اللوز ودرت كاس سنيدة فوق نار مهيلة حتى ولى كرميل و وظعت فيه اللوز مهرمش غليظ من بعد وزعتوا فوق ورق الفرن و ملي جمد هرستوا و طحنتوا 

الكلاصاج:

القشدة 150 gفوق النار تغلى نحيدوها من فوق النار و ندوبوا فيها 200 gشكلاط و 50 زبدة نبقاو نحركوا حتى يدوب الشكلاط

طريقة المونطاج

ناخدوا اطار نوظعوا فيه اول طبقة ندهنوها بالسيروا تم نوظعوا الكريم تم نرشوا البخليني ونوظعوا طبقة 2 نوظعوا الكريم تم نرشوا البخليني تم نوظعوا الطبقة 3 نزولوا الاطار تم نوظعوا الطورطة فوق شي زلافة كبيرة ونفرشو ورق الفرن ونخويو الكلاصاج على كل الطورطة نوضعوها تبرد باش يجمد الشكلاط والتزيين حسب الرغبة 

طريق التزيين بالشكلاط خديت شريط الورق دهنتوا بالشكلاط الاسود خليتوا حتى يشد راسوا   كنصب عليه الشكلاط الابيض وكنوزعوا على الشريط نخليه يشد راسوا و كنقطعوا مربعات ونخليهم يجمدوا مزيان عاد كنزول الورق وكنزينوا بيهم من الجوانب وكنحكوا الشكلاط الابيض والاسود بحكاكة الخيار لي خرجناه من التلاجة من قبل مخصوش يكون جامد بل مرخوف شوية للحصول على نجارة الشكلاط وبالصحة والراحة